Qazaqstan Respýblıkasy Aýyl sharýashylyǵy mınıstrliginiń buıryǵy  №18-02/909

  2015 jylǵy 12 qazan, Astana qalasy Memlekettik orman qory ýchaskelerinde shóp shabý jáne mal jaıý qaǵıdalaryn bekitý týraly 2003 jylǵy 8 shildedegi Qazaqstan Respýblıkasy Orman kodeksiniń 99-babynyń 4-tarmaǵyna sáıkes buıyramyn: 1. Qosa berilip otyrǵan Memlekettik orman qory ýchaskelerinde shóp shabý jáne mal jaıý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin; 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda jáne memlekettik organdardyń ıntranet- portalynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Aýyl sharýashylyǵy vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV Qazaqstan Respýblıkasy Aýyl sharýashylyǵy mınıstriniń 2015 jylǵy 12 qazandaǵy № 18-02/909 buıryǵymen bekitilgen Memlekettik orman qory ýchaskelerinde shóp shabý jáne mal jaıý qaǵıdalary 1. Jalpy erejeler 1. Osy Memlekettik orman qory ýchaskelerinde shóp shabý jáne mal jaıý qaǵıdalary (budan ári – Qaǵıdalar) 2003 jylǵy 8 shildedegi Qazaqstan Respýblıkasy Orman kodeksiniń (budan ári – Kodeks) 99-babynyń 4-tarmaǵyna sáıkes ázirlendi jáne memlekettik orman qory ýchaskelerinde shóp shabý men mal jaıý tártibin belgileıdi. 2. Osy Qaǵıdalarda mynadaı uǵymdar paıdalanylady: 1) ormannyń genetıkalyq rezervaty – ósimdikter túri, túr tarmaǵy popýlıasııasynyń genetıkalyq-seleksııalyq turǵydan qundy bóligi bar orman ýchaskesi; 2) orman paıdalaný – orman resýrstary men ormannyń paıdaly qasıetterin paıdalaný jónindegi zańdyq jáne ekonomıkalyq jaǵynan reglamenttelgen qyzmet; 3) orman paıdalanýshy – Kodekste belgilegen tártippen ýaqytsha orman paıdalaný quqyǵy berilgen jeke nemese zańdy tulǵa; 4) orman sharýashylyǵy salasyndaǵy ýákiletti organnyń vedomstvosy – orman qoryn kúzetý, qorǵaý, paıdalaný, ormandardy molyqtyrý jáne orman ósirý salasynda basqarý men baqylaý fýnksııalaryn júzege asyratyn memlekettik organ. 3. Memlekettik orman qorynyń shóp shabýǵa jáne mal jaıýǵa bolatyn ýchaskelerin orman ornalastyrý jobalaryna nemese erekshe qorǵalatyn tabıǵı aýmaqtardy basqarý josparlaryna sáıkes memlekettik orman ıelenýshiler belgileıdi. 4. Shóp shabý jáne mal jaıý úshin memlekettik orman qorynyń quramyna enetin osy maqsatqa jaramdy aýyl sharýashylyǵy jerleriniń alqaptary bólinedi, sondaı-aq alańqaılar jáne shóp shabý bastalǵanǵa deıin ormandy tabıǵı nemese jasandy jolmen jańartý, olardy jaqsartý jóninde basqa da is-sharalar júrgizý kózdelmeıtin basqa da orman kómkermegen alqaptar, sondaı-aq qaıta jańartýǵa arnalmaǵan qundylyǵy az ekpelerdiń jekelegen ýchaskeleri paıdalanylady. 5. Memlekettik orman qory ýchaskelerinde shóp shabýǵa bolatyn alańdardy jyl saıyn shóp shabý bastalǵanǵa deıin Kodekstiń 13-babynyń 1-tarmaǵynyń 18-3) tarmaqshasyna sáıkes bekitilgen orman ornalastyrý materıaldarynyń negizinde memlekettik orman ıelenýshiler naqtylaıdy. 6. Kodekstiń 99-babynyń 2-tarmaǵyna sáıkes memlekettik orman qoryna kiretin jaıylymdarda baqtashysyz mal jaıý shalǵaı, joly qıyn jáne halyq az qonystanǵan aýdandarda erekshe jaǵdaılarda júzege asyrylady. 2. Memlekettik orman qory ýchaskelerin shóp shabý jáne mal jaıý úshin paıdalaný tártibi 7. Mal jaıý memlekettik orman qory ýchaskelerinde osy Qaǵıdalarǵa qosymshaǵa sáıkes aıqyndalatyn alańdarda júzege asyrylady, bul rette mal jaıý úshin ýchaskeler tańdaý orman jaıylymdaryn maýsymdyq paıdalaný múmkindikteri, jaıylym aınalymdaryn jáne olarǵa jetkilikti júktemeni eskere otyryp, júzege asyrylady. 8. Jaıylym aınalymynyń alańy: 1) ósý kezeńiniń tabıǵı-klımattyq jaǵdaılaryn; 2) jaıylymdardyń shyǵymdylyq deńgeıin; 3) erozııaǵa ushyraý úderisteriniń yqtımal múmkindigi jáne naqty baıqalýyn; 4) jabaıy ósetin shópterdiń erekshe qundy tuqymdaryn jınaý múmkindigi; 5) «demalys» berýdiń oryndylyǵy, ıaǵnı jyl boıyna mal jaıýdy, shóp shabýdy tolyq boldyrmaýdy eskere otyryp, belgilenedi. 9. Mynadaı memlekettik orman qory ýchaskelerinde shóp jabý (órtke qarsy is-sharalar sheńberinde júzege asyrylatyn shóp shabýdan basqa) jáne mal jaıý: 1) memlekettik orman qorynyń «memlekettik tabıǵı qoryqtar ormandary», «tabıǵattyń memlekettik orman eskertkishteri», «ormannyń gendik rezervattaryn qosa alǵandaǵy ǵylymı mańyzy bar orman ýchaskeleri», «asa qundy orman alaptary» sanattarynda, sondaı-aq qoryq jáne tapsyrys rejımindegi memlekettik ulttyq tabıǵı saıabaqtar men memlekettik óńirlik tabıǵı saıabaqtar aımaqtarynda, memlekettik tabıǵı rezervattardyń qoryq ortalyǵy aımaqtarynda; 2) memlekettik orman qorynyń rekreasııalyq paıdalaný aımaqtaryndaǵy, ákimshilik-óndiristik maqsattaǵy, kelýshiler men týrısterge qyzmet kórsetýge arnalǵan shaǵyn aımaqtardaǵy «memlekettik ulttyq tabıǵı saıabaqtar ormandary» jáne «memlekettik óńirlik tabıǵı saıabaqtar ormandary» sanattarynda; 3) memlekettik orman qorynyń buzylǵan landshaftardy qalpyna keltirý aımaǵyndaǵy «memlekettik tabıǵı rezervattar ormandary» sanatynda; 4) memlekettik orman qorynyń tapsyrys rejımi aımaǵyndaǵy «memlekettik qoryq aımaqtary ormandary» sanatynda; 5) memlekettik orman qorynyń «jańǵaq kásipshiligi aımaqtary», «orman-jemis ekpeleri», «aca bıik taý ormandary», «memlekettik qorǵanyshtyq orman beldeýleri», «erozııaǵa qarsy ormandar» jáne «halyqaralyq jáne respýblıkalyq mańyzy bar ortaq paıdalanýdaǵy temir joldar men avtomobıl joldarynyń, magıstraldyq qubyrlar men basqa da jelilik qurylystardyń bólip berilgen beldeýlerindegi qorǵanyshtyq ekpeler», «halyqaralyq jáne respýblıkalyq mańyzy bar ortaq paıdalanýdaǵy temir joldar men avtomobıl joldary boıyndaǵy qorǵanyshtyq orman beldeýleri» sanattarynda júzege asyrylmaıdy. 10. Mal jaıýǵa ruqsat etilgen ýchaskeler tizbesin memlekettik orman qory jerleriniń jaı-kúıine qatysty bolyp jatqan ózgeristerdi, sondaı-aq ormandy qalpyna keltirý is-sharalaryn júrgizý men orman resýrstaryn daıyndaý josparlaryn eskere otyryp, memlekettik orman ıelenýshiler jyl saıyn naqtylap otyrady. 11. Memlekettik orman qory ýchaskelerinde eshki jaıýǵa arnaıy bólingen qorshalǵan ýchaskelerde ǵana ruqsat etiledi. 12. Shóp shabý men mal jaıý úshin memlekettik orman qory ýchaskeleri qysqa merzimdi (bir jylǵa deıin paıdalaný merzimine) jáne uzaq merzimdi (10 jyldan 49 jylǵa deıin paıdalaný merzimine) orman paıdalanýǵa beriledi. 13. Orman ıelenýshiler 2003 jylǵy 20 maýsymdaǵy Qazaqstan Respýblıkasy Jer kodeksiniń 36, 41-baptaryna sáıkes shóp shabý men mal jaıýǵa jaramdy memlekettik orman qory ýchaskelerinen orman sharýashylyǵy men erekshe qorǵalatyn tabıǵı aýmaqtar qyzmetkerlerine shóp shabý úshin qyzmettik jer telimderin bóledi. 14. Shóp shabý men mal jaıý úshin memlekettik orman qory ýchaskelerin uzaq merzimdi orman paıdalanýǵa bólý Kodekstiń 35-babyna sáıkes bekitilgen Memlekettik orman qory ýchaskelerinde orman resýrstaryn uzaq merzimdi orman paıdalanýǵa berý jóninde tenderler ótkizý qaǵıdalaryna sáıkes tenderlik negizde júzege asyrylady. Osy tarmaq erekshe qorǵalatyn tabıǵı aýmaqtarǵa qoldanylmaıdy. 15. Shóp shabý men mal jaıýǵa jaramdy qalǵan alańdar týraly málimetterdi (osy Qaǵıdalardyń 13-tarmaǵynda kórsetilgennen basqa) orman ıelenýshiler tender uıymdastyrýshylarǵa shóp shabý men mal jaıý bastalǵanǵa deıin eki aıdan keshiktirmeı beredi. 16. Memlekettik orman qory ýchaskelerinen shóp shabatyn jáne mal jaıatyn alqaptardyń bólinýine muqtaj orman paıdalanýshylar: 1) uzaq merzimdi negizde (uzaq merzimdi orman paıdalaný) tender ótkizýdi uıymdastyrýshylarǵa shóp shabý men mal jaıý úshin uzaq merzimdi paıdalanýǵa memlekettik orman qory ýchaskelerin berý boıynsha tenderge qatysýǵa arnalǵan ótinim-lottardy orman ıelenýshilerdiń daıyndaýy úshin tıisti ótinimder joldaıdy; 2) qysqa merzimdi negizde (qysqa merzimdi paıdalaný) shóp shabý nemese mal jaıý bastalǵanǵa deıin eki aıdan keshiktirmeı orman ıelenýshilerge orman paıdalaný úshin ýchaskeler berý jóninde ótinish jazady. 17. Tenderler ótkizýdi uıymdastyrýshylar shóp shabý men mal jaıý úshin memlekettik orman qory ýchaskelerin berý jóninde ótkizilgen tenderlerdiń nátıjeleri negizinde memlekettik orman qory ýchaskelerinde orman resýrstaryn uzaq merzimdi orman paıdalanýǵa berý jónindegi tender komıssııasynyń hattamasyn toltyrady, onyń negizinde memlekettik orman ıelenýshiler men orman paıdalanýshylar arasynda osy ýchaskelerdi uzaq merzimdi orman paıdalaný týraly shart jasalady, onda osy ýchaskelerdi paıdalaný jónindegi talaptarmen jáne taraptardyń ózara qarym-qatynastarynyń sharttarymen qatar Kodekstiń 38-babyna sáıkes qorǵaý jáne Ormandarda órt qaýipsizdigi qaǵıdalaryn saqtaý jónindegi mindetter belgilenedi. 18. Shalǵaıdaǵy mal sharýashylyǵy úshin memlekettik orman qory ýchaskelerin berý jónindegi ótinim-lottardy daıyndaý kezinde kórshiles aýdandardyń, oblystardyń qajettiligin eskerý kerek. 19. Orman ıelenýshiler ótkizilgen tenderlerdiń nátıjeleri boıynsha jasalǵan sharttarǵa sáıkes jáne orman paıdalanǵany úshin tólem jasalǵanyn kýálandyratyn qujattardyń negizinde tenderlerdiń jeńimpazdaryna «Aǵash kesý bıleti men orman bıletiniń nysandaryn, olardy esepke alý, saqtaý, toltyrý jáne berý qaǵıdalaryn bekitý týraly» Qazaqstan Respýblıkasy Aýyl sharýashylyǵy mınıstriniń 2015 jylǵy 26 qańtardaǵy № 18-02/40 buıryǵymen (Normatıvtik quqyqtyq aktilerdi memlekettik tirkeý tiziliminde № 10676 bolyp tirkelgen) bekitilgen nysan boıynsha orman bıletteriniń jyl saıyn berilýin olarǵa shóp shabý men mal jaıý úshin memlekettik orman qory ýchaskeleriniń tabıǵı túrinde berilýin qamtamasyz etedi. 20. Shóp shabý men mal jaıý úshin memlekettik orman qory ýchaskelerin qysqa merzimdi orman paıdalanýǵa berý kezinde orman paıdalanýshynyń ótinishi jáne ormandy paıdalanǵany úshin tólem jasalǵanyn kýálandyratyn qujattardyń negizinde orman paıdalanýshylarǵa da orman bıleti jazyp beriledi. 21. Berilgen memlekettik orman qory ýchaskelerinde shóp shabý men mal jaıý orman bıletterinde kórsetilgen merzimderde júzege asyrylady. 22. Shóp shabý men mal jaıý úshin berilgen memlekettik orman qory ýchaskelerinde orman paıdalaný quqyǵy Kodekstiń 39-41-baptaryna sáıkes toqtatyla turady, shekteledi nemese toqtatylady. Memlekettik orman qory ýchaskelerinde shóp shabý jáne mal jaıý qaǵıdalaryna qosymsha Memlekettik orman qory ýchaskelerindegi mal jaıý alańdaryn aıqyndaý № Tabıǵı aımaqtar Úı janýarlarynyń túrleri Mal jaıý alańy, 1 basqa gektar 1 2 3 4 1 Jartylaı shóleıt jáne shóleıt Qoı, eshki Iri qara mal Jylqy 7,0 7,0 5,0 2 Dalaly Qoı, eshki Iri qara mal Jylqy 1,5-3,0 1,5-3,0 1,0-2,25 3 Taýly Qoı, eshki Iri qara mal Jylqy 0,75-1,5 0,75-1,5 1,0 Buıryq Qazaqstan Respýblıkasynyń Ádilet mınıstrliginde 2015 jylǵy 10 qarashada Normatıvtik quqyqtyq kesimderdi memlekettik tirkeýdiń tizilimine №12259 bolyp engizildi.